Ошто 6 партия шайлоонун жыйынтыгын тааныбай турганын жарыялады

Бүгүн, 11-апрелде жергиликтүү кеңештерге депутаттарды шайлоодо Ош шаарынан 9 партия катышты. Алардын ичинен алты партия шайлоонун жыйынтыгын тааныбай турганын жарыялады. Алар: «Ишеним» партиясы, «Улуттар биримдиги» элдик партиясы, «Республика» саясий партиясы, «Бүтүн Кыргызстан» партиясы, » Улуу Журт» саясий партиясы, «Бир бол» саясий партиясы.

Ош шаары боюнча алдын ала жыйынтык төмөнкүдөй болду:

«Ата-Журт-Кыргызстан» партиясы — 48, 83%;
«Улуттар биримдиги» элдик партиясы — 17,81%;
«Ыйман нуру» партиясы — 8,22%;
«Ынтымак» партиясы — 7,07%;

Эскерте кетсек, бул — шайлоонун алдын ала жыйынтыгы. Ош шаарында шайлоо тилкелериндеги жыйынтыктар толук келип бүтө элек. Калган партиялар азырынча 7%дык чектен өтө элек.