Карантин Кыргызстанда товар киргизүүдө ири соода түйүндөрүндөгү тоскоолдуктар, ылайыктуу базарларды таба албоо, элдин ата мекендик продукцияларга болгон таанымынын аздыгы сыяктуу көйгөйлөрдү ачыкка чыгарды. Бул тууралуу «Аман» соода-өндүрүш компаниясынын жетекчиси Кадыр Алы «Марал» радиосуна берген маегинде билдирди.
Анын айтымында, коронавирус менен күрөшүп жаткан көпчүлүк мамлекеттер орто жана кичи ишканалардын жумушун жандандууга эбегейсиз көңүл бурууда.
-Көрсө, орто жана кичи ишканалар мамлекеттин «жаны» экен. Алсак, Кытай өндүрүштү колдоо саясатын тез арада ар бир ишканага жеткире алды, — дейт Кадыр Алы.
Ал эми Агрардык өнөр-жай комплексин өнүктүрүү ассоциациясынын аткаруучу директору Темирбек Ажыкулов Кыргызстанда өндүрүшчүлөрдөн «кандай көйгөйүңөр бар?» деп сураган киши болбогонун белгилейт.