ЖК комитети күз-кыш мезгилине даярдыкты талкуулайт

Бүгүн, 9-октябрда Жогорку Кеңештин Отун-энергетикалык комплекси жана жер казынасын пайдалануу боюнча комитетинде күз-кыш мезгилине карата даярдык талкууланат. Бул тууралуу парламенттин басма сөз кызматы кабарлады.

Анда биринчи вице-премьер-министр Кубатбек Бороновэнергетика тармагынын абалы, келечеги жана аны өнүктүрүү жөнүндө баяндама жасайт. Ошондой эле ал 2018-2019-жылдардагы күз-кыш мезгилине карата экономика тармактарын жана калкын даярдоо боюнча өкмөттүн иши жөнүндө маалымат берилет

Эске салсак, Боронов 8-октябрда Бишкек жылуулук элект борборундагы кышка даярдык менен таанышып, ыкчам персоналдын даярдыгынан кабар алган.

1-октябрда аталган борбордо реконструкцияланган химиялык цехтин курулушу  жыйынтыкталган.  Анын долбоордук кубаттуулугу саатына 144 метр кубду түзөт.

Учурда химиялык цехтин жалпы өндүрүштүк кубаттуулугу саатына 504 метр кубду түзөт, мурда анын кубаттуулугу саатына 360 метр кубду түзгөн.