Биз менен байланышыңыз

200 миң сом пара талап кылган салыкчы кармалды

Кыска кабар | 8 Окт 2018 | 947 | 0

Экономикалык кылмыштарга каршы күрөшүү кызматы 200 миң сом пара талап кылган Салык кызматынын кызматкерин кармады.

Финполицияга «Ж.С.» аттуу тургун арыз менен кайрылып, Жалал-Абад шаардык салык кызматынын кызматкери пара талап кылганын айткан.

Чогултулган материалдардын негизинде Башкы прокуратура Кылмыш жаза кодексинин 313-беренесиндеги кылмыш белгилери боюнча иш козгоду. Бул иштин алкагында 3-октябрда ыкчам тергөө иштери жүргүзүлүп, талап кылынган паранын алгачкы 80 миң сом өлчөмүн алуу учурунда «О.А.» аттуу кызматкер колго түштү.

5-октябрда ал Бишкектин Биринчи май райондук сотунун чечими менен убактылуу кармоочу жайга киргизилди. Тергөө иштери уланууда.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM