Исабеков: Депутаттар «Кумтөр» маселесин унутуп коюшту

Жогорку Кеңештин депутаттары «Кумтөр» маселесин унутуп коюшту. Мындай пикирин Жогорку Кеңештин III жана IV чакырылыштарынын депутаты Кубанычбек Исабеков«Марал» радиосуна берген маегинде билдирди.

Анын айтымында, өкмөттүн тоо-кен тармагы боюнча улуттук концепциясы жок болгондуктан бардык кендерде чыр болуп жатат.

Ал эми президент менен өкмөт башчы кааласа «Кумтөр» боюнча 2009-жылы түзүлгөн келишимди өзгөртө алат. Бул маселени иликтөө боюнча өкмөттүк комиссия түзгөндө анын курамына ишти билген мыкты адистерди кошуу зарыл.

«Эмне үчүн азыркы өкмөт «Центерра Голд» ишканасынын вице-президентин алмаштырбайт? Башкаруу кеңешинде Атамбаевдин алгырлары отурат. Алар 20 миң доллардан айлык алганы менен мамлекетке 6 тыйын пайда алып келген жок. Эмне үчүн алардан отчёт алынбайт? Баардык нерсе президенттен көз каранды. Өкмөт башчы президенттин айтканын аткарат», — дейт Исабеков.

Эске салсак, “Кумтөр” алтын кенин 2009-жылкы келишим боюнча «Центерра Голд» ишканасы иштетип келүүдө.