Париж-2024: Мунарбек Сейитбек уулу чейрек финалга чыкты

1-августка караган түнү Париждеги Олимпиадалык оюндарда кыргызстандык мушкер Мунарбек Сейитбек уулу бокс боюнча мелдеште чейрек финалга чыкты.

Ал 57 килограммга чейинки салмакта 1/8 финалда кубалык Орта Родригес Дель Рей Сайдель Иванды жеңди.

Чейрек финалдагы беттеш 4-августка караган түнү болот.

Мунарбек Сейитбек уулу Кыргызстандын беш жолку чемпиону, студенттер аралык дүйнө чемпионатында коло медаль тагынган, Дүйнө чемпионатынын коло байгесинин ээси, Азия чемпионатында коло медаль уткан.