Крым көпүрөсү жарылып, үч адам каза болду (видео)

Орусиянын Тергөө комитети алдын ала маалыматтар боюнча Крым көпүрөсүндөгү жарылуудан үч адам каза болгонун билдирди.

«Алдын ала маалыматтар боюнча, үч адам каза болгон. Булар бузулган жүк ташуучу унаанын жанында жүргөн жеңил унаанын жүргүнчүлөрү. Учурда суудан аял киши менен эркек кишинин сөөгү алынып чыкты. Алардын өздүгү такталууда”, — деп айтылат билдирүүдө.

Кечээ, 8-октябрь күнү эртең менен Крым көпүрөсүндө жүк ташуучу унаа жарылган. Ошондой эле темир жолдогу күйүүчү май куюлган жети цистерна өрттөнгөн.

Көпүрө убактылуу транспорт үчүн жабык.