Президент Оштогу оорукананы суук түшкөнгө чейин куруп бүтүрүүнү тапшырды
Президент Сооронбай Жээнбеков 9-сентябрда Ош шаарындагы жугуштуу оорулар ооруканасынын курулуш иштери менен таанышты. Архитектура, курулуш жана турак-жай коммуналдык чарба боюнча мамлекеттик агенттиктин директору Урматбек Көкөчаров жаңы оорукана 100 орунга ылайыкташканын маалымдады.
Долбоорго ылайык, оорукана 3 бөлүмдөн турат: 28 керебеттүү жандандыруу бөлүмү жана жугуштуу ооруларды дарылоо боюнча эки бөлүм.
Бүгүнкү күндө оорукананын эски имараты толугу менен бузулуп, бир катар иштер бүткөрүлгөн. Тез курулчу конструкциялардан куралган объекти ушул жылдын октябрь айында пайдаланууга берилет.
Президент курулуш ишин суук түшкөнгө чейин бүтүрүү керектигин белгилеп, сапатына да көңүл бурууга чакырды.
Бишкек, Ош шаарларында жана Нарын облусунда бирден жаңы жугуштуу оорулар ооруканаларынын курулушу жүргүзүлүүдө. Курулуш иштери үстүбүздөгү жылдын июль айынын аягында башталган.
23-декабрга карата аба ырайы тууралуу маалымат
Садыр Жапаров Германиянын канцлери Олаф Шольцко көңүл айтты
Акыркы суткада 24 жол кырсыгы катталып, эки адам көз жумду
Бостериде жол коопсуздугу боюнча иш-чара өттү
«Өзүңөр барып добуш берип, анан шайланган депутаттын ишине нааразы болбогула»
«Кытай-Кыргызстан-Өзбекстан» темир жолун куруу боюнча макулдашууга кол коюлду
Президент кыргыз-тажик чек арасы толугу менен чечилгенин айтты
Бүгүн Бишкекте III Элдик Курултай өз ишин баштады
