Республикалык олимпиадага 318 окуучу катышат

Кыргыз өлкөсүнүн быйылкы республикалык олимпиадасына 318 окуучу катышат. Бул тууралуу өлкөнүн Билим берүү жана илим министрлиги бүгүн кабарлады.

Маалыматка ылайык, 30-31-мартта баш калаада өтүүчү Республикалык олимпиадага областтык жана Бишкек, Ош шаардык олимпиадаларынан женүүчү аталган 318 окуучу төмөнкү сабактар боюнча күч сынашат:

• Кыргыз тили жана адабияты;
• Орус тили жана адабияты;
• Англис тили;
• Математика;
• Информатика;
• Физика;
• Химия;
• Биология;
• География;
• Тарых;

Олимпиада үч окуу жайдын имаратында: химия жана биология сабактары боюнча И.Арабаев атындагы Кыргыз мамлекеттик университетинин башкы корпусунда, ал эми информатика сабагы боюнча Б. Ельцин атындагы Кыргыз-орус Славян университетинде, калган сабактар  профессор А. Молдокулов атындагы №5 Улуттук компьютердик гимназиясында өтөт.

Олимпиаданын жүрүшүн nсg.kg/online сайты түз чагылдырып турат.