Ысык-Көлдө скутер сүзүп кеткен жаран каза болду. Маалыматты облустук ички иштер башкармалыгы тастыктады.
Окуя 15-июлда Кара-Ой айылындагы эс алуу жайларынын биринин пляжында болгон. Скутер эс алуучуну сүзүп кеткен, жабырлануучу эс-учун жоготкон абалда ооруканага жеткирилген, бирок эртеси алган жараатынан улам каза болгон.
Ал 42 жаштагы Казакстандын жараны, Балыкчы шаарынын тургуну экени аныкталды.
Иликтөө иштеринин жүрүшүндө суу скутеринин ээси Ысык-Көл районунун 1992-жылы туулган М.Б. аттуу тургуну экени, ал эми скутерди 2006-жылы туулган жергиликтүү тургун А.А. башкарып жүргөнү аныкталды.