28-июнь күнү болжол менен саат 16:10 чамасында Ноокат районунда Т.Кулатов айыл аймагынын Абшыр-Ата айылында нөшөрлүү жамгырдын кесепетинен Шаран-Сай сел өтүүчү сайына сел суулары түшкөн.
Натыйжада бир ички чарбалык көпүрөнү, 1 көпүрөнү, 10 электр мамычаларды агызып, 10 турак үйдүн короосуна кирген.
7 адамды сел суулары агызып кетип, 5 адамдын сөөгү табылган. 2 адамды издөө иштери уланууда.
Издеп-куткаруу иштерин координациялоо үчүн өзгөчө кырдаалдар министринин орун басары Эделбек Кулматов баштаган 30 куткаруучу тартылды.
Кошумча 80 куткаруучу Ноокат районуна Оштон чыкты.
Ноокат районуна өзгөчө кырдаал режими киргизилди.