Бишкек шаардык ички иштер башкы башкармалыгынын Экстремизмге жана мыйзамсыз миграцияга каршы күрөшүү кызматынын кызматкерлери борбор калаада эки мыйзамсыз медресени аныкташты.
Анда 40тан ашык бала мамлекеттик органдардын тиешелүү уруксат кагаздары жок окутулуп келген. Бул факты Свердлов РИИБнин электрондук журналына катталып, тергөөгө чейинки текшерүү иштери башталган.
Окуучулар ата-энелерине өткөрүлүп берилди, медресенин иши толугу менен токтотулду.