Грек-рим күрөшү боюнча Кыргызстандын балбаны Акжол Махмудов Түркиянын Анталия шаарында өтүп жаткан Yasar Dogu&Vehbe Emre эл аралык турниринде экинчи атаандашына жеңилип калды.
77 кг салмакта килемге чыккан Акжол Махмудов 1/16 финалдан баштап күрөшүп, алгачкы атаандашы түркиялык балбан Селчук Аккоюнду 5:1 эсебинде утуп алган.
1/8 финалда дагы бир түркиялык балбан Йүксел Сарычичекке 1:5 эсебинде жеңилип калды.
Түркиянын Анталия шаарында өтүп жаткан Yasar Dogu&Vehbe Emre эл аралык турнири кечээ, 7-мартта башталган. Кыргызстандан жалпы 33 балбан жөнөп кеткен. Мелдештер 10-мартта аяктайт.