Бишкекте дайынсыз болуп жаткан үч бир тууган бала табылды. Бул тууралуу Ленин райондук милициясынан кабарлашты.
24-февралда милицияга жергиликтүү тургун арыз менен кайрылып, 2009-жылы туулган кызы Раяна Марукова жана 2012-жылы төрөлгөн уулдары Мусабек жана Исабек Маруковдор ошол күнү Бакаев көчөсүндөгү үйүнөн чыккан бойдон дайынсыз болуп жатканын айткан.
Милиция 26-февралда кабарлагандай, балдар Ысык-Көл облусунда жашаган туугандарынын үйүндө болгон.