Аба ырайына байланыштуу бир катар унаа жолдору жабылды. Бул тууралуу Жол кыймылынын коопсуздугун камсыздоо башкы башкармалыгы билдирди.
Аймактарга каттаган жолдордун төмөнкү бөлүктөрү учурда жабык турат:
- «Мырзаке – Кара-Кулжа – Алайкуу» жолунун 45-чакырымынан 130-чакырымына чейин;
- «Каракол – Эңилчек» жолунун 82-чакырымынан 95-чакырымына чейин;
- «Барскоон – Ак-Шыйрак» жолунун 45-чакырымынан 60-чакырымына чейин;
- «Түп – Кеген» жолунун 39-чакырымынан 76-чакырымына чейин.
«Урматтуу айдоочулар жогорудагы унаа жолдорго киргизилген чектөөлөрдү эске алып, барчу жерлериңизди алдын ала мерчемдеп, баардык коопсуздук эрежелерин так сактооңуздарды өтүнөбүз», — деп айтылган маалыматта.