Румынияда 10-12-февралда өткөн VIII Эл аралык Info (1) Cup олимпиадасында Кыргызстандан алты окуучу 3 күмүш жана 3 коло медаль утуп алышты.
Алардын ичинен «Сапат» эл аралык билим берүү мекемесинин Бишкек шаарындагы Чыңгыз Айтматов лицейинин 10-классынын окуучусу Лебиев Абдулазиз күмүш медаль утту, Зияш Бектенов атындагы Ысык-Көл кыздар лицейинин 10-классынын окуучусу Акжолтоева Айпери коло медаль, Ош «Сема» лицейинин 8-классынын окуучуcу Абдуллахан Абдирасулов коло медаль, Ош «Сема» лицейинин 9-классынын окуучуcу Байыш Миңбаев коло медаль утту, Нарын шаарындагы М. Субакожоев атындагы лицейдин 10-классынын окуучусу Алихан Айдарбеков күмүш медаль утту.
Мындан тышкары Бишкектеги «Газпром Кыргызстан» мектебинин 8-классынын окуучусу Ян Бобрус күмүш медаль алды.
Эл аралык олимпиадага Кыргызстан, Армения, Азербайжан, Белгия, Болгария, Египет, Грузия, Венгрия, Казахстан, Молдова, Румыния, Сирия, Украинадан жалпы 135 окуучу катышты.
