Монголиянын борбору Улан-Батор шаарындагы ири базардын жанынан 60 тонналык газ ташыган унаа жарылды. Маалыматты Өзгөчө кырдаалдар боюнча улуттук агенттик тастыктаганын жергиликтүү басылмалар жазды.
«Улан-Батордун Баянзурх районунунда түнкү саат 1:07де ири көлөмдө табигый газ ташыган унаа менен жүргүнчү ташыган унаа кагышкан», — деп айтылат билдирүүдө.
Кырсыкка кабылган унаа 30-40 метрдей жерге учуп кеткен. Өрт тез жайылып, айлана-тегерегиндеги унааларды, үйлөрдү кошо чарпкан.
Бейрасмий маалыматтарга караганда, кырсыктан 6 адам каза таап, 10 адам ооруканага жеткирилген.