«Дайынсыз жоголду» делип, изделип жаткан 5 жаштагы Алихандын сөөгү табылды. Бул тууралуу Өзгөчө кырдаалдар министрлигинин басма сөз кызматы билдирди.
Айта кетсек, Бишкектин Биринчи Май райондук соту 2018-жылы туулган Абдукахаров Алихан аттуу бала изделип жатканын кабарлаган.
Маалыматка караганда, бала ДЦП дартынан жабыркап келген. Ал кечээ, 14-январда болжол менен саат 15:00 чамасында Мурас-Ордо конушундагы үйүнөн чыгып кеткен боюнча кайтып келген эмес.
Баланы издөөгө Бишкек шаардык куткаруу кызматынан 17 кызматкер, милиция кызматкерлери, жергиликтүү тургундар, жакындары чыгып, бүгүн, 15-январда саат 15:57де ошол эле Мурас-Ордо конушунун аймагынан табышкан.
Жарыяланган сүрөттөргө караганда, ал конуштун четиндеги сууга түшүп кетип, чыга албай калган.
