Түркиянын тышкы иштер министри Хакан Фидан 8-9-январда Кыргызстанга расмий сапары менен келет. Бул тууралуу Тышкы иштер министрлигинен кабарлашты.
Расмий сапардын алкагында кыргыз-түрк кызматташтыгын кеңейтүү маселелери талкуулана турган жогорку деңгээлдеги жолугушуулар уюштурулат.
Ошондой эле стратегиялык пландаштыруу тобунун алтынчы биргелешкен жыйынын өткөрүү пландаштырылууда.
Хакан Фидан Түркиянын тышкы иштер министри болуп 2023-жылы июнда дайындалган.