Жыргалбек Шакиев Бишкектин Ленин районунун акими болуп дайындалды. Бул тууралуу Бишкек шаардык мэриясынын басма сөз кызматы билдирди.
Тиешелүү буйрукка борбор калаанын мэри Эмилбек Абдыкадыров кол койду.
Шакиев буга чейин Аксы жана Чүй райондорунун акими болгон. Жыргалбек Шакиев Жогорку Кеңештин төрагасы Нурланбек Шакиевдин бир тууган иниси.
Бишкектин Ленин районунун мурдагы акими Мураталы Тагаев кызматтан алынды. Ал бул кызматка 31-мартта дайындалган. Ага чейин Ысык-Көл облусунун Жети-Өгүз районунун акими болгон.