Бишкекте унаа сүзүп кетип каза болгон жаран кинорежиссёр Михаил Дудников экени аныкталды.
Милициянын кайгуул кызматынын маалыматы боюнча, окуя кечээ, 29-июнда Жибек-Жолу менен Панфилов көчөлөрүнүн кесилишинде саат 16:40та болгон. Дудников жөө өтмөктөн өтүп бара жатканда «Хюндай Санта Фе» унаасы сүзүп кеткен.
Кинорежиссёр Михаил Дудников 1948-жылы туулган.
Ал «Взлет Калии Токтогуловой», «Урок на завтра», «Пришелец», «Кому сеять завтра?», «Экскурсия» жана башка даректүү тасмаларды тарткан.