Президент Садыр Жапаров жубайы Айгүл Жапарова менен бирге 3-июнда Анкара шаарында Түркиянын президенти Режеп Тайып Эрдогандын кызматка киришүүсүнүн салтанаттуу аземине ардактуу конок катары катышты.
Салтанаттуу иш-чара ушул жылдын 6-февралында Түркиянын түштүк-чыгыш тарабында жер титирөөдөн каза болгондорду бир мүнөттүк үн катпай эскерүү менен башталып, андан соң өлкөнүн мамлекеттик гимни жаңырды.
28-майда Түркиянын президенти болуп шайланган Режеп Тайып Эрдоган инаугурациялык сөзүн сүйлөдү.
Андан соң бардык жогорку даражалуу коноктор үчүн Түркия президентинин атынан расмий кабыл алуу иш-чарасы болду.
