Жогорку Кеңеш «Жарнама жөнүндө» мыйзамга киргизилип жаткан өзгөртүүлөрдү үчүнчү окууда кабыл алды. Сунушталган долбоор колдонуудагы мыйзамды Конституцияга ылайык келтирүү, коррупциялык ченемдерди жоюу максатында даярдалган.
Жогорку Кеңештин 2-февралдагы жыйынында «Жарнама жөнүндө» мыйзамга киргизилип жаткан өзгөртүүлөр экинчи окууда каралган. Талкуу маалында депутаттар мыйзамды толук иштеп чыгуу үчүн комитеттин кароосуна кайтаруу чечимин кабыл алышкан.
Долбоорго ылайык, мыйзам бузуу аныкталганда жеке жактарга 5500 сом, юридикалык жактарга 17 000 сомго чейин айып пул салынат.