Кыргызстандык балбан Алибек Осмонов Египетте өтүп жаткан рейтингдик турнирдеги беттеш учурунда эс-учун жоготту.
Алибек Осмонов аталган мелдешке эркин күрөш боюнча 65 кг салмакта катышкан.
Ал 1/8 финалда пуэрто-риколук Себастьян Ривера менен беттешип, кыргыз балбаны ишенимдүү түрдө алдыга чыгып келе жаткан.
Бирок атаандашы чабуулга өтөрдө Алибек Осмоновду тизеси менен башка тепкен. Натыйжада Осмонов килем үстүнөн эс-учун жоготту. Бул учурду атаандашы пайдаланып 6 упай алган.
Алибек Осмонов ээсине келгенден кийин күрөштү улантканы менен алган жаракатынан улам 15:7 эсебинде жеңилүү ызасын тартып калды.