Түркиянын Кахраманмараш шаарында жер титирөөдөн жабыркагандарды убактылуу жайгаштыруу үчүн Кыргызстан жөнөткөн боз үйлөрдү вандык кыргыздар тигүүдө.
Буга чейин президент Түркиядагы жер титирөөнүн кесепеттерин жоюу, издөө-куткаруу иштерине жардам берүү үчүн биринчи топто 67, экинчи топто 80 куткаруучу, 6 дарыгер, андан тышкары 75 боз үй жөнөтүү тапшырмасын берген.
Келерки жумада да куткаруучулардан турган атайын топ, боз үйлөр, дарылоого тиешелүү медициналык буюмдар, кийим-кече жана биринчи кезекте зарыл болгон керектүү буюмдар жөнөтүлөрү белгиленген.
