Түмөнбай Колдошов Бүбүсара Бейшеналиева атындагы Кыргыз мамлекеттик маданият жана искусство университетинин ректору болуп дайындалды. Тиешелүү буйрукка билим берүү жана илим министри Уланбек Мамбетакунов кол койду.
2022-жылдын 13-декабрында Б. Бейшеналиева атындагы университеттин ректорунун кызмат ордуна сынак жарыялаган. Анын жыйынтыгында жогорку баллды Түмөнбай Колдошов алган.
Маданият жана искусство университетинин буга чейинки ректору Мамашарип Чотонов 8-декабрда оорудан улам көз жумган.
Обончу жана аткаруучу Түмөнбай Колдошов 2022-жылы сентябрынан бери Маданият, маалымат, спорт жана жаштар саясаты министринин орун басары болуп иштеди.
Ага чейин Таштан Эрматов атындагы Бишкек музыкалык-педагогикалык окуу жайынын директору кызматын аркалап келген, ошондой эле ОшМУда агартууучу катары эмгектенген.