Коңшу Өзбекстанда 2023-жылдын 1-январына карата эсеп боюнча өлкөдөгү жеке менчик унаалардын саны 3 051 734тү түзөт. Мындай маалыматты Өзбекстандын статистика кызматы жарыялады.
Статистика комитети билдиргендей, өлкөдөгү ар бир миң адамга 87 жеңил унаа туура келет. Бул көрсөткүч өткөн жылдагыга салыштырмалуу 6 унаага көбөйгөн.
Ал эми КМШ өлкөлөрүндө ар бир 1000 адамга туура келе турган жеңил автоунаалардын саны төмөндөгүдөй:
- Орусия– 328;
- Беларусь – 324;
- Казакстан – 189;
- Кыргызстан – 161;
- Азербайжан– 128;
- Өзбекстан – 87;
- Тажикстан – 46.
Сандар ар бир өлкөнүн статистика комитетинен алынган.