Кыргыз транспорттук прокуратурасы тарабынан ушул жылдын 9 айында 20 билдирүү катталган, алардын ичинен 11 кылмыш бирдиктүү реестрге катталып, 10 кылмыш иши кыскартылган, ал эми 8 материал боюнча кылмыш ишин козгоодон баш тартуу жөнүндө токтом чыгарылган.
Айтылган 11 кылмыш Кыргыз транспорттук прокуратурасынын өндүрүшүнө кабыл алынган. Алар:
- Кызмат абалын кыянаттык менен пайдалануу (КР КЖКнин 337-бер.) – 2 кылмыш катталган;
- Экономикалык контрабанда (КР КЖКнин 231-бер.) — 1 кылмыш;
- Коммерциялык же башка уюмдардын кызматчыларынын ыйгарым укуктарын кыянаттык менен пайдалануусу (КР КЖКнин 245-бер.) – 4 кылмыш;
- Ишенип берилген мүлктү ыйгарып алуу же коротуу (КР КЖКнин 210-бер.) – 2 кылмыш.
- Шалаакылык (КР КЖКнин 348-бер.) — 1 кылмыш;
- Документтердин жасалмасын жасоо (КР КЖКнин 379-бер.) — 1 кылмыш;
Мунун ичинен 10 кылмыш иштери боюнча тергөө амалдарынын жүрүшүндө мамлекеттин эсебине 6 870 437 сом өндүрүлүп, мамлекеттин пайдасына кайтарылган. Ал эми жалпы 9 айда сотко чейинки өндүрүш иштеринин алкагында жана кылмыш иш козгоодон баш тартылган материалдар боюнча 22 953 804 сом мамлекеттин пайдасына өндүрүлгөн.