Англиянын футбол боюнча курама командасы Катарда өтүп жаткан дүйнө чемпионатынын 1/4 финалынын дагы бир катышуучусу болду.
5-декабрга караган түнү 1/8 финалдык беттеште британиялыктар Сенегал менен ойноп, 3:0 эсебинде жеңишке жетишти.
Чейрек финалда Англия Франция менен ойнойт.
Голдор: Жордан Хендерсон, 38 (1:0), Гарри Кейн, 45+3 (2:0), Букайо Сака, 57 (3:0).
5-декабрда Бразилия курамасы Түштүк Корея менен кездешет. Мындан тышкары, Япония менен Хорватиянын курама командалары оюн талаасына чыгат.
5-декабрга белгиленген беттештердин графиги:
1/8 финал
21:00 Япония — Хорватия,
01:00 Бразилия — Түштүк Корея.