Жалал-Абад облусунун Чаткал районундагы шахтадан газ чыгып, 24 жана 36 жаштагы жумушчулар көз жумду. Бул тууралуу өзгөчө кырдаалдар министрлигинин басма сөз кызматы кабарлады.
11-октябрда түнкү күнү саат 02:29 чамасында Чаткал районундагы кен өндүрүүчү ишкананын инженери шахтада газ чыккандыгын кабарлаган. Шахта ичинде калган жаранды куткарууга тогуз куткаруучу тартылган.Дагы үч киши Ала-Бука аймактык ооруканасынын жандандыруу бөлүмүнө жаткырылган.
Жергиликтүү маалымат каражаттары кырсык Иштамберди кенинде казуу иштерин жүргүзүп жаткан Full Gold Mining компаниясынын участкасында чыкканын жазышты.