Баткен облусунун аймактарына Тажикстандын куралдуу кол салуусунда жабыркап, өтө оор жана орточо оор абалда тургандардын саны 139ду түздү.
Бул тууралуу саламаттыкты сактоо министринин орун басары Улан Садыков 18-сентябрда өткөн брифингде билдирди.
Анын айтымында, жабырлануучулардын дээрлик баарына операция жасалды. Арасында 35 адам аскер кызматкерлери. Бирок бул сан дагы такталууда.
Баткендин Лейлек районуна Бишкектен 34 дарыгер, Баткен районуна Ош, Жалал-Абаддан дарыгерлер барды. Ошондой эле дары-дармектердин көлөмү да жетиштүү.