Мамлекеттик чек аранын кыргыз-тажик тилкесиндеги абалды жөнгө салуу иштери жүрүп жатат. Бул тууралуу УКМКнын маалымат кызматы билдирди.
«Интернет булактарында Баткенде курал-жарак, ок-дарылар жана башка материалдык-техникалык камсыздоо жетишсиз деген маалыматтар чындыкка дал келбейт. Коопсуздукту камсыз кылуу жана тышкы агрессиянын мизин кайтаруу үчүн жетиштүү күчтөр жана каражаттар бар» , — деп айтылат Атайын кызматтын маалыматында.
УКМК коомчулукту жалган маалыматтарга ишенбөөгө, дүрбөлөң салбоого чакырат.