Кыргызстан мусулмандарынын дин башкармалыгынын басма сөз кызматы Садыбакас ажы Дооловдун айткандары адамдын ар-намысына шек келтирбейт деп билдирди.
Муфтият социалдык тармакта талкуу болуп жаткан Садыбакас ажы Дооловдун айткандарын 3 критерий менен карап чыгып, шариятты бузбагандыгын, саясатка аралашпагандыгын жана жеке бир адамдын аброюна, кадыр-баркына шек келтирбегендигин аныктаган.
«Учурда Садыбакас ажы Доолов менен баарлашуу жүргүзүлүп, элге айта турган сөздүн мааниси толук жетпей калгандыгы белгиленди», — деп айтылат маалыматта.
Садыбакас ажы Доолов өлкөдөгү эттин баасынын өсүшү тууралуу айткан сөзү соцтармакта кызуу талкуу жаратып, кийин Муфтият бул боюнча териштирүү жүргүзүлө турганын билдирген.