2-июндан 5-июнга чейин Казакстандын Алматы шаарында өткөн күрөш боюнча Bolat Turlykhanov Cup эл аралык рейтингдик турниринен Кыргызстандын балбандары 10 медаль менен кайтып келишти.
Турнирге грек-рим күрөшүнөн 11, кыз-келиндер күрөшүнөн 1, эркин күрөштөн 7 балбан (жалпы 19 балбан) жөнөтүлгөн. Алар Кыргызстандын байге куржунуна төрт алтын, бир күмүш, беш коло медаль салышты.
Грек-рим күрөшүнөн:
- Акжол Махмудов (82 кг) — алтын медаль
- Жоламан Шаршенбеков (63 кг) — коло медаль
- Ренат Иляз уулу (77 кг) — коло медаль
- Калидин Асыкеев (82 кг) — коло медаль
- Атабек Азисбеков (82 кг) — коло медаль
Кыз-келиндер күрөшүнөн:
- Айпери Медет кызы (76 кг) — алтын медаль
Эркин күрөштөн:
- Бекболот Мырзаназар уулу (61 кг) — алтын медаль
- Эрназар Акматалиев (70 кг) — алтын медаль
- Саякбай Усупов (79 кг) — күмүш медаль
- Алибек Осмонов (70 кг) — коло медаль
Айта кетсек, эл аралык рейтингдик турнирге 25 өлкө балбандарын жөнөткөн. Кыргызстан жалпы командалык эсепте бешинчи орунду ээледи.
