Эртең, 1-июндан баштап аз камсыз болгон үй-бүлөлөрдүн балдарынын жөлөк пулу көбөйтүлөт. Бул тууралуу эмгек, социалдык камсыздоо жана миграция министри Кудайберген Базарбаев кабарлады.
Министр К. Карасаев атындагы Бишкек мамлекеттик университетинде (БМУ) өткөн балдарды коргоо күнүнө арналган иш-чарага катышып, аз камсыз болгон үй-бүлөлөрдүн балдарынын жөлөк пулу көбөйтүлөрүн билдирди.
«Президент Садыр Жапаровдун жарлыгына ылайык, 16 жашка чейинки балдары бар муктаж жарандарга (үй-бүлөлөргө) ай сайын берилүүчү жөлөк пул көбөйтүлөт, эгерде алар 810 сом алышса, эми алар 1 200 сомдон алышат. Ошондой эле жогорулатуу жардамга муктаж жарандардын башка категорияларына таасирин тийгизет», — деди министр.
Иш-чаранын жүрүшүндө 200 балага уюштуруучулардын атынан белектер таратылды.