Ысык-Көл облусунун Жети-Өгүз районундагы Барскоон – Ак-Шыйрак унаа жолу жабылып калды. Бул тууралуу Өзгөчө кырдаалдар министрлиги билдирди.
29-30-майда жааган кар калыңдап, Сөөк ашуусу аркылуу Ак-Шыйракка кеткен жол бөгөлүп калган. Ошол эле учурда күн жылыгандан кийин көчкү жүрүп кетүү коркунучу бар болгондуктан, өрөөнгө каттоо убактылуу токтотулду.
Учурда жеринде №3 ишканасы жолду тазалоо иштерин жүргүзүп жатат.