Жогорку Кеңештин депутаты Искендер Матраимов Көз карандысыз Мамлекеттер Шериктештигине мүчө өлкөлөрдүн Парламенттер аралык ассамблеясынын Көзөмөл-бюджеттик комиссиясынын төрагасы болуп шайланды.
Бул тууралуу 29-мартта Алматы шаарында өтүп жаткан КМШ ПААнын Кеңешинин мааракелик отурумунда айтылды.
Отурумда аталган кеңештин башкы катчысын дайындоо маселеси каралып, жетекчиликке кайрадан Дмитрий Кобицкий дайындалды.
Ал эми Көзөмөл-бюджеттик комиссиясынын төрагалыгына буга чейин сунушталган Жогорку Кеңештин депутаты Искендер Матраимовдун талапкерлиги бекитилди.
Эскерте кетсек, КМШ ПААнын Көзөмөл-бюджеттик комиссиясынын ушул жылдын февраль айында өткөн жыйынында Искендер Матраимовду төрага кылып шайлоо чечими кабыл алынган.