Бүгүн, 29-мартта Таластагы Өтмөк ашуусунда оор жүк ташуучу унаалар үчүн чектөө киргизилди. Бул тууралуу Талас облустук Жол коопсуздугун көзөмөлдөө башкармалыгы билдирди.
Эртең, 30-мартта жол бардык унаа үчүн жабылат. Анын себеби катары көчкүлөрдү атып түшүрүү экенин айтышты. Жол качан ачылары боюнча маалымат берилген жок.
Айта кетсек, Кыргызгидромет борбору 2-апрелге чейин аба ырайы кайра суук тартып, тоолуу аймактарга, ашууларга кар жаашы мүмкүн экенин, айрым жерлерде көчкү жүрүү ыктымалы барын эскерткен.