Бишкектин кайра шайлоо өтүп жаткан №27 Биринчи Май жана №29 Свердлов шайлоо округдары боюнча шайлоо участкаларынан тышкары добуш берүү үчүн арыз берген 1253 шайлоочунун 1111и добуш берди. Бул шайлоо участкаларынан тышкары добуш берүүнү каалаган шайлоочулардын 88,6%ын түзөт. Бул тууралуу БШКнын маалымат бөлүмү билдирди.
№27 Биринчи Май шайлоо участогунан 397 шайлоочунун 338и же 85%ы, ал эми №29 Свердлов шайлоо участогунан 856 шайлоочунун 773ү же 90% добуш берген.
Бүгүн, 27-февралда Бишкек шаарынын № 27 Биринчи Май жана № 29 Свердлов округунан парламенттик кайра шайлоо башталды.
Эки округдан Жогорку Кеңештин депутаттарын шайлоо үчүн 120 тилке саат 8:00дө ачылды. Добуш берүү кечки саат 20:00дө токтойт.