Вирустун белгилери байкалса, үй-бүлөлүк дарыгерге же 118 ишеним телефонуна кайрылуу керек. Бул тууралуу Саламаттыкты сактоо министрлиги билдирди.
Мындан тышкары департамент COVID-19га каршы эмдөөнү, ошондой эле «дельта» жана «омикрон» варианттарын кошо алганда, COVID-19 жуктуруп алуу коркунучун азайтуучу профилактикалык чараларды көрүүгө чакырат:
- бир метрден кем эмес социалдык аралыкты сактоо;
- бет кап кийүү;
- үйдү же иш бөлмөнү бат-баттан желдетип туруу;
- колду тез-тез жууп туруу;
- жөтөлгөндө оозду чыканак менен же бетаарчы менен калкалоо;
- эмдөөдөн өтүү.
Эске сала кетсек, бүгүн Саламаттыкты сактоо министрлиги Кыргызстанда «омикрон» штамы катталганын маалымдаган. Жаңы жылдык эс алуулардан кийин коронавируска жана пандемияга чалдыккандар кескин көбөйдү. 12-январга карата 465 адамдын COVID-19 жугузуп алганы аныкталды.