Лейлек районундагы Арка-2 айылынан 5 кг ооган гашиши табылды. Бул тууралуу Ички иштер министрлигинин басма сөз кызматы билдирди.
Баткен-Исфана жолунан «ДЭУ-Нексия» унаасы токтотулган. Текшерүү учурунда унаанын арткы орундугунан 2 кг гашиш алынган.
Андан соң, айдоочу К.Э.нин үйүн тинтүүгө алып, кумга көмүлгөн баңгизатты таап алышкан.
Кармалган К.Э. Ош шаарындагы тергөө абагына камалды. Учурда териштирүү, суракка алуу жүрүп жатат.