Мамлекеттик каттоо кызматынын 2021-жылга такталган бюджети (архивдик кызматты эсепке албаганда) 479,4 млн сомду түзүп, бекитилген бюджетке салыштырмалуу 336 млн сомго же 41,2%га азайган.
Анын ичинде: бюджеттик каражаттардын эсебинен чыгашалар — 89 млн сомго азаюу менен 127,8 млн.сомду түзгөн. Ал эми атайын эсептин чыгашалары — бекитилген бюджетке салыштырмалуу 247 млн сомго азаюу менен 351, 5 млн. сомду түздү.
Ошондой эле бюджеттин жалпы чыгашасын 89 миллион сомго кыскартуу каралган:
Санариптик өнүктүрүү министрлигине каражаттарды которууга байланыштуу чыгашалар 95,1 млн сомго кыскартылды (аппараттан 25,6 млн сомго жана ведомстволук мекемелер 69,5 млн сом);
Жекелештирилген күбөлүктөрдү жана күбөлүктөрдү даярдоо функциясын Билим берүү жана илим министрлигинен өткөрүп берүүгө байланыштуу чыгашалар 5 млн сомго көбөйтүлдү;
Кыргызстандын Шайлоо жана референдум өткөрүү боюнча борбордук комиссиясынын каражаттарын которууга байланыштуу чыгашалар 1,5 миллион сомго көбөйтүлдү. (Кыргыз Республикасынын жергиликтүү кеңештеринин депутаттарын шайлоо);
Ал эми 2019-жылга бюджеттин аткарылышына аудиттин жыйынтыгы боюнча Кыргызстандын Эсеп палатасынын сунуштарын ишке ашырууга байланыштуу чыгашалар 0,3 млн сомго кыскарган.
