Инвестор Уоррен Баффет колдоо көрсөткөн Кытайдын BYD компаниясы келерки жылы 1,2 млн даана электромобиль сатмакчы. Бул тууралуу CnEVPost маалымдады.
Компания мындай ири планын инвесторлор менен болгон видео-конференция учурунда билдирген. BYD компаниясынын маалыматында, алар 2022-жылы 600 миң даана электромобиль жана 600 миң даана гибрид автомобиль сатууну пландаган.
Ал эми Кытай бийлигинин жалпы божомолу боюнча электромобилдердин сатылуусу 2022-жылы 4,5-5 млн даанага жетиши мүмкүн. Эгер BYD компаниясы көздөгөн максатына жетсе, анда Кытай базарындагы электромобилдер соодасынын 25%ын ээлейт.
Кошумчалай кетсек, учурда Кыргызстанга электромобилдерди алып кирүү бажы алымысыз ишке ашууда. Азыркы тапта Кыргызстанда электромобилдердин саны 100дөн ашат.
Сымбат Маратбек: Бардык аймакка электромобиль кубаттоочу станция курабыз (видео)