Жайыл районунда жеңил унаа сууга түшүп кеткен, жабыркагандар жок. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, Бишкек-Ош унаа жолунун 162-чакырымында (Жайыл району) «Киа» үлгүсүндөгү жеңил унаа жолдон чыгып, сууга түшүп кеткен.
Унаадагы 20 жаштагы 2 эркек жаран эч кандай жаракат алышкан эмес.
Жерине Өзгөчө кырдаалдар министрлигинин 154-чакырымында нөөмөттө турган 5 куткаруучу тартылып, унааны суудан чыгарып, эвакуаторго жүктөөгө жардам беришкен.