Бишкек–Нарын-Торугарт унаа жолунун Кант шаары тушунда жол кырсык болуп, 6 адам жабыркап, 3 адам каза тапты. Бул тууралуу Өзгөчө кырдаалдар министрлигинин басма сөз кызматы билдирди.
Кырсык бүгүн, 17-ноябрда 17:30 чамасында болгон. УАЗ унаасы менен «Тойота Ипсум» унаасы кагышып, УАЗдан өрт чыккан.
Өрт саат 17:40 чамасында чектөөгө алынып, 17:55те толук өчүрүлгөн. Кырсыктан 3 адам каза таап, 6 адам жабыркаган.
Куткаруучулар жабыркагандарды «Тез жардам» кызматына өткөрүп беришкен.