Кыргызстандык окуучулар Өзбекстандын Фергана шаарында өткөн Ахмад аль-Фергани атындагы физика боюнча I эл аралык олимпиадада 3 коло медаль утуп алышты. Бул тууралуу Билим берүү жана илим министрлигинен кабарлашты.
Мелдеш ушул жылдын 8-ноябрынан 13-ноябрына чейин өткөн, ага 19 өлкөдөн барган окуучулар катышты. Кыргызстан офлайн форматта катышты.
Олимпиадага Кыргызстандын курама командасындагы 8 окуучуну мугалимдерден Садирбек Муратов, Доктурбек Кудашов жана Сүйүн Умаровалар коштоп барышты.
Жыйынтыгы боюнча 11-класстын окуучулары: Денис Сапарбек уулу (Кадамжай), Нияз Жусупбеков (Жалал-Абад) жана Бекали Гартман (Чүй) коло медалдарды жеңип алышты.
