Кечээ, 11-ноябрда Кыргызстандын футбол боюнча улуттук курама командасы Сингапурдун курамасы менен жолдоштук беттеш өткөрдү.
Шарджа шаарынын «Аль-Хамрия» стадионунда өткөн оюн 2:1 эсебинде Кыргызстандын жеңиши менен жыйынтыкталды.
Белгилей кетсек, 16-ноябрда кыргызстандык футболчулар Бахрейн курамасы менен да беттешет.
Оюндар 2023-жылы боло турган Азия кубогуна даярдык көрүү катары өткөрүлүүдө.
Эскерте кетсек, 2023-жылы боло турган Азия кубогунун квалификациясынын финалдык туру үй-конок форматынан борборлоштурулган форматка өзгөртүлгөн. Тандоо турунун тайпалык оюндары 2022-жылы 8-июнда, 11-июнда, 14-июнда болот.