Кытай Тажикстанга жол куруу үчүн 125 млн доллар грант бөлөт. Бул тууралуу Тажикстандын «Ховар» маалымат агенттиги жарыялады.
18-октябрда Дүйшөмбү-Кулма унаа жолунун Калай-Хумб-Ванж тилкесинин техникалык-экономикалык негиздемесин даярдоо үчүн грант берүү боюнча кытай-тажик өкмөттөрүнүн өкүлдөрү келишимге кол коюшту.
Тажикстандын Транспорт министрлигинин маалыматы боюнча, Калай-Хумб- Ванж тилкесинин узундугу 80 чакырымды түзөт.
Анын алкагында 5,2 км узундуктагы эки туннель салынат, 5 коргоочу коридор, 15 көпүрө жана башка объектилер курулат.