Өзбекстандын премьер-министри Абдулла Арипов Акылбек Жапаровду министрлер кабинетинин төрагасы болуп дайындалышы менен куттуктады. Бул тууралуу министрлер кабинетинин басма сөз кызматынан билдиришти.
Өзбекстандын премьер-министри белгилегендей, өлкө жетекчиси жана парламенти тарабынан Акылбек Жапаровго көрсөтүлгөн жогорку ишеним анын натыйжалуу эмгек ишмердигинин татыктуу бааланганынын далили болуп саналат.
«Биргелешкен күч-аракеттер аркылуу биздин өлкөлөрүбүздүн жана элибиздин бакубат жашоосу үчүн өзбек-кыргыз өз ара пайдалуу кызматташтыгын мындан ары кеңейтүүгө жана чыңдоого жетишебиз деп ишенем», – деди ал.
Өзбекстандын премьер-министри Акылбек Жапаровго чың ден соолук жана жооптуу мамлекеттик кызматта ийгиликтерди каалады.