Баткен облусунун Кадамжай-Айдаркен унаа жолунда кырсык катталып, 3 адам көз жумду. Бул тууралуу Өзгөчө кырдаалдар министрлиги билдирди.
Кадамжай районунун Өндүрүш айылынын кан жолунда Toyota Avensis менен Honda Odyssey унаалары кагышкан. Кырсыкка кабылган 10 адамдын үчөө каза таап, 7 адам ар кандай жаракат алган.
Жерине барган Өзгөчө кырдаалдар министрлигинин №76 Кадамжай райондук бөлүмүнүн куткаруучулары жаракат алгандарды Айдаркен шаардык ооруканасына жеткирген.